إكمل اسناط المسرح نتمازيغث ذي الولايث انباثنت اقلا يطف اكثر نسمانط ذالعروض ذالمسرحياث اقلا اعجابنت لباس الجمهور اقلا يوسد سي مونكمل امكان بشام اذفورج فالعروض نلباس نالولاياث امبجاية ذتيزي وزو ثغردايث باثنت ام البواقي.
ولباس نتحكاين اقلا احكانهنت الممثلين زنق الوح نالمسرح تشاخنت فلمشاكل اقلا تعاشهنت اجزايرين سيرتو ذي الوقث نيمرا اقلا يولى يتقاس القيمت نلعباذ فمتا غرسن سي سوارد.
وأغلا نفستفالاي هذيبو اسناي المسرح نقداشن ذالدريث سيرتو ماني ههنوالم العطلة اقلا ارقين ذيس، ولباس نلمسرحياث تشاخنت فتغاوسوين اقلا سعلامنت الدريث مامك اذحبن ثمدرسوين واذنظفن امكان اقلا اتيلن ذيس.
المسرح اولا ذي باثنت غرس امكان ذامقران ذس الإهتمماث نسكان نالولايث سيرتو كيعاد المسرح يحلا ويقعمر ويلا ذي اقول انباثنت ماني ادتاسن اغرس سي كل امكان، لباس نتمسرحين اقلا عقبنت وادجينت الأثر يحلا ذي اقلاون نلعباذ اقلا الان تفورجين ويوسد الفستفالاي بشام اذيرني اذيوش القيمت تامقرانت اللوغث نتمازيغث سيرتو ماني اثولا ذاللوغث ذي الدستور اجديذ ندزاير.
ثولى الولايث انباثنت السمانت اقعقبن ذالمحفل ذامقرانت لكثر 200 نالممثل اقلا اوسيند سي لباس نالولاياث بشام ادعرضن لباس نالمسرحياث سلوغث نلجداد ذي باثنت اقلا ثرحب سنجيون انس اقلا يعجباسن الحال لباس سيرتو ماني اقعقبن 10 نلعوام سي لعمر نلفستيفال.