الحاج صالح بن محمد بليدي اقن سمقرانان نات اغرسان ايلولد اسن 03 جوان 1910 اغرم نات ازجن دفر شارد نسقسان اسافر غال الاغواط نت دالوالدنس اوعمار ادوعزام ، دفر ايوض 24 نسقسان اسافر غال قصر الشلالة مان يخدم تجارة سني يولي غال دزير اوخدام يبدى اخولط يغلب نمقرانان نالسياسة ددموان انتقراولة يبي يغلب اسسان مان يبدى اناضل يد مناو انتوات اتوغان اتجاهدان تسولسي بلا ما ادسال اسسن حد .
تغردايت: الشيخ باعلي واعمر
الحاج صالح اخولاط يغلب عمر بن عيسى دالكاتبس باسعيد عدون اتوغان اتفكرن ديمال انتوات اتوغان اتملاقان جروان اسونجمان لمورات نات اغرسان ادون يلا اسودجومسان.
الحاج صالح بليدي يحضر اجرو امزوار انتدشلا نالعلماء نمسلمان اسقس 1931 النادي الترقي تمنغغت اسوحضار نالشيخ بيوض دالشيخ ابو اليقظان دالشيخ سليمان بلحاج داود بن يوسف ادمحمد قرقر طرابلسي دالشيخ عبد الرحمان بكلي ادمناو اضضنين ايتوغ غرسان انشان تدشلا اسوخدام دوعاون سالراي دويتلي.
اسقس 1939 اعاود يدول اوط غال ات ازجن اسلفلد اسقس 1942 تدارت نالحجبة اتورزم ايجروان ادلعراس ددوملاقة ندباب نوغرم اماشي اساهم اطباع انلكتاب نالشيخ ابي اسحاق اطفيش ايساول فومزروي نالاباضية اماشي ادسلفى اسقس 1944 تدارت انوعزام الاغواط غرس فوسد يغلب امرشدان نالخير الاغواط دتغردايت.
الحاج صالح يتوغ اتعافار اوصلاح دوقرب جار توات ادغيراسان يتوغ يحرص اتمال اددار وسان انتللي ادورى ندزير سوفوس نالاستعمار دوعاشي اماشس انلهناء ال تياوي يوش امقران دالامانة اسن 08 فيفري 2015.
