إعدا العيذ امقران ذي لوراس سالخير اذلهنا او ورعاذ لعوايل ذي باثنت اتحفاظنت لباس فلعاداث انزيك اقلا اونهنتيد فلجدود انس سيرتو العادث نوفار نكسوم نالعيذ اعشورا انيغ المشتا ماني ارقينت الخلاث قبل نالعيذ وروحنت غنيا اقلا زنوزان لعقاقر نتمرميط واسغينتيد الفلفل اوراغ وقلي نلحرور.
وخلطنهنت ايذ نالملح واطفنت اغلا نوغراس اخسان نمسلان وملحنهنت مليح سلحروراي وعلقنهنت الد ماني اقورن ولخذمتاي ثتواسن زيك زيك ذي ثمورث انغ واقارناس اشاوين لخليع.
يتغيما لخلعاي قلي نوسان اعلق بشام اذقار مليح ومن بعد تطفنت الخلاث واتفرنت ذقمكان يبعذ فلحمان وجبذنتيد ذي المشتاء سيرتو بغير اذيصمط الحال مليح انيغ اذيلين لعباذ ذقخام ذمريضن واذقنت فلاس قلي نالعيش اقلا اذتوروايش طول ويتوتشا احر ويحما وبغير اثيتش امريض سيرتو اقلا يوثيث اسميط واذطس اتراحا طول سي لهوى.
انيغ اتقنت ايس لعوايل ابربوش بغير اذسخفنت وحتى لعوايل اقلا اتيلين ذي الدواورن نتافيهنت نهنتين اقلا اتقنت لباس انلخليع واتفرنت ساعة ساعة وادياس غرسنت انيجيو واذتافنتش مات هثظيفنت بغير اذتيلنش يا اقزنوزان اكسوم رزمن انيغ باب انوخام اذتيليش واظيفنت انيجيون انس سقديد العيذ اقلا خلعنت والشياي اتموقا غير العزيز انوول.
ثغاوسا ثاني اتقنت لعوايل انلوراس نتاث اتفرنت واتخلاعنت بلا ياكسوم اتقنت الدونت اقلا اقرناس الشحما بشام ذي المشتا اذقنت سيس قلي ذي المحجوبة انيغ ذقشخشوخ، اقلا بغير اموق ذيس قلي ندونتاي ثتراث الريحث انس واتشومانت اعشيرن كامل خاطر الريحث انس ثحلا لباس وثقوا.
لعوايداي ورعاذ الانت لباس ذي دواور انباثنت ام اريس، اشمول، بوزينة، اينوغيسن مروانة، تاكسلانت، نقاوس رأس العيون وحتى ذي امكان نميرا ذي لمدينت اتقنت العدثاي خاطر اوفينت ذيس الفايدت.
