مفدي زكرياء اتووشاس تمدورتس مناوت تفرى انغ الاوسمة سمقرانان نتموار ندزير دالدنت دوسون اخدامان دعافران ايدج امار نتمدورتس ا اعافر يد قاع اجزائريان احارب نالاستعماردسقسان .
تفرت تمزورت تووشاس يور ناكتوبر 1984 سوسلواي نتونس بورقيبة. . فيدسنت اسن 25 اكتوبر1987 سوسلواي الشادلي بن جديد . فيدشارد اسن 08 جوان 1987 سوسلواي الشاذلي فنجال نعافران ايدج ايالفايدة نضلس دالعلم دوعزام . فيد اكز اسن 21 نافريل 1987 سوجليد نالماروك . تفرت تمدجاروت تووشاس سوفس نوسلواي عبد العزيز بوتفليقة اسن 04 جوانه 1999
يوري غفس امسفار فليسي اند بل مفدي زكرياء يوتف الحبس ختن يتوغ العمرس 45  نسقسان  . اوالس يتوغ  قاع فوغلان دوغرم نات ازجن اند كل ما ادجبد اوال فوغلان امطاوان ادوطان ستطاونس . يرنيد اند بل تدارت ايتوغ اتدر دس دزير لاش دس اقنشرى نالرفاهية اتوغ الهمس غير دزير اسقضاع لوقاتس غير تيرى نلكتوب دالقصائد  انااليادة ندزير. من جبالنا . الديوان تحت ظلال الزيتون .الديوان اللهب المقدس دمناوت القصائد فتقراولة.
الاليادة ندزير دس الف نالابيات قاع اساولان سومزروي انغ التاريخ ندزيريعزمت مفدي زكرياء تزق نالمؤتمرات دزيراملاقة نالفكرالاسلامي سوحضار نوسلواي هواري بومدين ديغلب ندباب نوعزام .
القصيدة تمزوت ايوري مفدي العنوانس الى الريفيين تونشار الجورنال لسان الشعب نتونس اسقس 1925.
النشيد اغناو نحن طلاب الجزائر اتواري الحبس نبربروس تزق فيد 69 اسن 25 افريل 1955 اتولحن سوفس نمحمد فوزي. اما النشيد نلعلام يوريت سيدامنس يهدات غال الحكومة نسجك ندزير. النشيد نومحروس انغ الشهيد يوريت دخ الحبس نبربروس تزق فيد65 اسن 29 نوفمبر 1937 . اسقس 1956 تسوتر ترنايت نوحرر ندزير سمجاهدان اتوحكام غفسن ستماتانت باش ادعزمان النشيد نومحروس قبل الاي غال المشنقة انغ المصقلة.
مفدي زكرياء ايلولد اسقس 1913 اغرم نات ازجن مان يلمد اغربازن نتوات اعزام نالقران .سن يقضع غال تونس مان ينده دمناو اكابرن نالسياسة اناضل احارب نالاستعمار يوتف الحبس مناوت تتشال اتومناع سوقضاع غال وغلان دتواتس دات غرسان.
يتوغ يدجور جار تونس دمصر دالماروك مان يموت اغرم نالدار البيضاء الماروك بعد ابد اولس اموني دفر مناو وسان نودوالس سالحيج نت تمطوتس . يموت نت يدجوج سوغلان دتروس دمدنس اتونضال الماروك اسن 17 اوت 1977 بعد مناو اسقسان عاودان شمرن الجثتس اتووي غال وغلان نت يموت .