ابراهيم نوح متياز اقن سمدياز الان اولتوسنان يغلب جار مدان انمفدي زكرياء دمناو اضضنين . اس نغس اسون نورجاز دامار ايتوغ اتدر دس.
ابراهيم بن نوح بن الحاج محمد بن سليمان بن امتياز ايلولد اغرم نات ازجن اسن 1402 هجري 1908 ميلادي . يبدى اعزامس اغربازن نالقران نات ازجن بعدس يوتف اقن سغربازن نالرسمي امارني يعزم فمناو انعزمان امقرانان نوغلان انالشيخ محمد اطفيش اسماعيل بن ابراهيم زرقون .
بعد اغلان يولي غال قسنطينة مان يرني دس اعزامس مع تجارة امار ايتوغ يغس اقضاع غال المشرق امبصح الحرب نتمورا نالدنت تمزوت تجت ادقم قسنطينة مان انجم ادخدم يعزم تشلت اقت امار اتوغ قسنطينة دغرم ننعزمان ددباب نالعلم اتوغان قصدنت الوقتن اسقسن 1914.1915 انتدشلا نالعلماء المسلمين اتوغ تنده ترزم مناو اغربازن اياالفائدة نجزائريان اولماد دوحفاظ نالقران مع احافظ فتوتلابت نتعرابت امار اتوغ الاستعمار بغس انشار نتوتلايتس دوقدة فتعرابت.
الاستعمار ازاقايس باش ادسقضع العسكر يرول غال وغلان يكرم دس ال دتوطف اتووي غال دزير امبصح الفص نوطبيب اتوسرح فنجال نوزمارس دالقلت نونجم اتاف الكازرنة.
اسقس 1942 ينعر اسلف نقن اوغرباز ات بنورملن يقم اسعزم دي المدة نتس ايارن سن يولي غال دزير ينعر دخ اسلف نقن اوغرباز اسقس 1952 اوسلمد دوسعزم ننلمادن.
المدة ايتوغ اسعزم يتوغ اتاري مناو القصائد ادالجورنال اتوغان تفغد دزير انالقصائد ايوري لكتاب شعراء الجزائرفي العصر الحديث غرس مناوت القصائد يورتنت الجونال نالشهاب دالجورنال وادي مزاب الجورنال نالنجاح جار اسقس 1926.1932.
غرس دخ مناوت الاسهامات تضضنتين يوري فون اتوغان تدرن اجزائريان يد الاستعمار مع توتلايت انغ اللغة دالفلسفة دتمدورت نالادباء.
ابراهيم متياز دقن سمدياز انغ الشعراء نغزر نوغلان غرسان فوس اسلي نتوتلايت دالدين داللغة اورين فومزروي ندزير مع انداه يد مناو انعزمان ندزير اوخارب نالاستعمار دوس اخدم ادسان.
تمدورت الدنت نابراهيم متياز تقدى اسقس 1984 بعد ادج اقن التراث نوعزام ايزعلك اشرى اقمد اشرى يقضع مع تمتانتس.
