سلعوايد الان اطفان دس ات اغرسان العادة نوجد نقن ومان اقارناس تكروايت دقن القازوز اتووش غيراوسلي اس نوملاشس.
تكروايت توسوى اماس نقن اوجدوا اتوخدام ستخسايت اموني بعد اتوسقار دوحدي ال تدول تقور امبعد اتورزام سوجانا سالمنشار باش اتلي دادان نوجدوا اتدول انقن الكاس اوسوى نتكرويت دمناو ابسون اضضنين .
تكروايت توخدام سقت الكيفية ايتبهى اتاتف التاولات نتدارت اتوخدامان سوفوس اماشي اتوسخدام دخ توني بكري اوحفاظ نبسون اضضنين انتين دبسون اذوبان فسع .
تكروايت اتوخدام سومان نالقارس دتيني رنينس لعقاقرتوجاد سبكري سوفوس نات اتسلت انتنين اتوجدان تكروايت اتووي غال تدارت نوسلي اض نوروح.
الحكمة نوجد ندباب نتسلت تكرويت ايدباب نوسلي دقن العربون نودتشل دتغسي جار سنت تواشولين .
تكروايت دقت العادة اتقم دقن وزمول نات اغرسان لعراس امبصح لكنغ انرقب اسقسن امدجورا تدولد توخدام دكل انشان تحونا ابردان ويدوسين اساسيت تقضع القيمتس انغ ازالس بالخصوص وسان نالعرس ايتوغ اسلي اتمانى اديوض أس انوني اومضي نتكرويت باش ادياتف اديلي درجاز غرس المسؤولية نتدارت لازم احافظ فالتراث دقن سبسون اعزيزان اغلان باش اولقضعان انحافظ فبسونو اماشي ليلا اتحافظان مدان ناليابان سلعويدنسان .
