ورعان لعوايل انلوراس امقران تحافظنت فإقوزاط اقلا تارون ثملالين انواعرابن، وتربانهنت ذي الدواور، انيغ حتى ذي ثدار اقلا أقعمرنت مليح، وغرسنت لاطيراس، خاطر ذيسنت الخير ذأمقران، امين إغننا الحاج حميدة، اقلا يتروحا كل الحد السوق أمقران نالتوتة بشام اذزنز ثملالين نتقوزات انس أقلا يترباهنت ذي اقربي انس، ويطهلاي ذيسنت مليح.
يقارنغ الحاج حميدة بلي ثملالين أنوعرابن ذيسنت الخير ذامقران سيرتو وأقلا ذامريط لازم أهنتيتش سقيتش نزيت زيتون وأذراح سيتو ذي إقيط قبل مهظطس، بشرط لازم أذيسش أغلانسنت أمان قوح، بشام أذخذمن لخذمت انست وأسراحنت وهنتسوين سلمراش نسميط، سطوراث نعديس، لهوى ولباس نتغاوسوين.
ثملالين أنوعرابن ثاني أحلانت مليح إثمزورث، ماني لازم أتتش سنت نتملالين كل ثصبحيث فلفرغان، خاطر نهنتين هتفوكن مليح بشام اترفذ صحث أنس واتراح زيك زيك، ونناس مامك إثتربيذ ثقوزات ينانغ بلي يساغهنتيد تمزيانين تفوليسن ومنبعد يتراهنت ويتوتشاسنت لماكلن ويتقاسنت قلي نقربي، بغير اذقعمرنت، ويتويسنتيد لحشيش، وقلي قلي تولانت تاونتيد ثملالين، أقلا اتحواسن فلاسنت يوذان سقمكان غنمكان، خاطر ثيست الفوايد تمقرانين، امين إقارن إطبيبن نالوقثاي.
وينانغ الحاج حميدة الجيل انزيك يلا إصح مليح خاطر يلا يتعوال لباس فلوماكل انس فتملالين انواعرابن ، وأغي زيت زيتون وكل الخير أقلا يتراقد سثمورثن ماوش أمميرا، كلشي ثباطين ويخطا حتى نالوقث انس.
