ستوغ العمرك 17 نسقسن توغغ عزمغ اغرباز انتجوين اغرم نتغردايت نتوغ انحفاظ القران سوفوس انمناو اسلمادان اكبار احفظان القران نتوغ نتعفار نتدج اشحان جارنغ اوس ادحفظ االقران اجار نيواس.
ختن اوضغ سورة الكهف اتغرنغ امودني اقت تزوى ايتزعلك نرفيس اويغت غال وعزام دالمعروف اقاع انلمادان دسلمادن الان اتقابلان اسحفظ دوسعزم نووال نيوش امقران.
توني دقت العادة لاش المثالس انشان وضضن مان امزوار رب اتنرحم مان الان اجننغد اقن وبريد انوورغ يلزم انجور دس وسنتسيب ادقضع امغر انتوحاسب اش منباد جارافاسان نيوش امقران.
يلا وس اديوض السورة نيس اسمودان اتغرسان اقت اتزوي نرفيس انغ تزوى انووشو اتيوي دالباروك غال وعزام تيفرت نوحفاظ نالقران يد اسلمادان الان بدان اتعفارن صبران مع انلمادن ادحفظان اوال انربي.
دقت العادة توحديت اسويس دسفرح نمزانان شجعنتان باش ادغسان اوال انرب حفظنت استشرند اقن الجيل نالقران.
العادة تسوفغد للوف ننلمادن باش ادختمان القران فنجال نالعادة الان اجند امزوار ادوس يلا اتقابال امرشدان نوسعزم.
امبصح ادباب ادوس يلا اسدسات يدجور اتسيب ابسونو دون ادجين امزوار فنجال نمناو لسباب الان لاشغرسان اقن المعنى امزوار توغان حرصان غير باش الدين اولقضع اسوماس نغزر انلمزاب توغان اتعافارن سبلان تمدورتنسان اوعزام دسلماد دورب بالخصوص لكنغ اقن امار يوعر امش يلزم اطوف دلعوايد الان اقننت سالاخلاق النيتنسان دين اسلي نووال نيوش امقران.
