اقن وناو نالديوان نورى دوقرى دحافظ فالآثار نوغلان اند بل اقت ٥٠ في المئة نتجموين قضعنت دفر احبو نالبنيان دالبيطون فتمورا نتكرزت دتزدايت الان دماما نوغلان.
الظاهرة نالبينان اماس نتجموين توسد دفر ارني نومضان نمدان مع تدروسي نتمورا نالبنيان اماس نغزر دالقلت نودج نتيت فوزال نتمورت نونكال دتزدايت الان انتها تمدورت نمدان اتناف غير نتها اتمار نالشدة دوسان نترمزي.مناوت نندشلوين زاقانت غارنت اوحافظ فالكنز الان اجند امزوار يلاوس يقم اجار نمراو نلان انت اخدم تمورت احفر ترسين اويند تزاديت فالظهر نيلمان ستم نوارجلان،  ييلزم غفنع انحافظ بالخير ادجين مدنوا الان عافرن نجمن ادران تمورا تزقاغين تمورا تدالين.لكنغ نسان بل الدولة تلا تسرس اقن وهيل اوزون نتموا ازوغار نغزر اتشجع مدان باش ادالين غال اموشان اولين انبوهراوة دالنومرات الان دنشان بالبنيان دو عمار باش انج تجمورين دنشان نوفورهت دسقضع نوسان اوحديان انحافظ فتزدايت دومان احلون الان ايفان امام نسعيدة.