عبد الرحمن حواش اقن سودموان نتسكلا نتوتلايت نتمازيغت ايتيوي يوش امقران اسن 16 افريل الان دس انوعزام ادوبراس .
عبد الرحمن اسبل تمدورتس سوسدر نقت اتغوس الان يومن اسس دين اارى انوزال انتوتلايت انتومزابت دتيراس دسوفغاس سوماس انتدار ادوطوف دس امار الان تدجور اتمضى سلساوان بمكراس دبزانان.
عبد الرحمن ايلولد اسقس 1928 اغرم نتغردايت يسقضع تمدورتس اغرم نالسوقر الولاية نتيارت مان يتوغ باباس اخدم اتجارة يبدى اعزامس اغربازان نتوامان بعد ومن اوط غال وغلان اورني انوعزامس اغربازان انتوات اوحفاظ نالقران دالفقه دالشريعة. ستغردايت يقضع غال لقرارة اورني انوعزام اعاود ادول غال تيهرت مان ابد يد بابابساتجارة ادونداه لمور انتوات التل.
اسقس 1977 يبدى ابراس توتلايت انتومزابت يد مناو اسلمادان اسقس 1979 اتوسرس دمقران نوغرباز نالاصلاح ال وقدى نالثمانينات يبدى اتفرغ غال وبراس ادوجرو نوالان انتوتريت .
يرزم تدارتس اوسي انده احرش سومعاون يد ابراهيم عبد السلام نوح مفنون ادمناو اضضنين اوضان غال وجرو دودوان انيغلب نوالان سلس نمقرانان دتمقرانين،اوضان غال اسوفغ نقن لكتاب دس للوف نوالان اكبار دجددان انتومزابت، و اسقس 2002 يبدى اسجل نقت اتنوبى ستوتلايت انتومزابت انلاس انوغلان ال اسقس 2008 .
عبد الرحمن اسبل تمدورتس ايقت تغوس الان دالاصل امبصح اتوهمش اولدحد اولقيل غرس بالخصوص و س يلا اسدسات اتوغان رقبنت دقن الان غير اسعي امانس ال ضاوضان اسنين بل توتلايت انتومزابت يلزم اتقم تدارت اولتفغ غال وزغار الصح انتوتريت دين توتريت نالقران.
عبد الرحمن ايقم اتعافر وحدس اتتشر اتوطى يزمار ديارن اويت يوش امقران دالامانة اقن وس الان دزير تسونجم دس اس انوعزام دين 16 افريل 2017.
