بذو لباس نالسكان انلوراس امقران، خدمن ثمورا انس واتزون ذيسنت سيرتو الخضذر وثجرين نالفاكية اقلا تحواجنت امان مليح، وثجرن نالزيتون، بصح الشياي كامل يتحبا لباس انوامان بشام أذقعمرنت وادوشنت الخير،وتقاذن إفلاحن انلوراس سقسقاس أثتيليش ذيس لمطر لباس خاطر فالخير انربي ايتعوال بشام أذخذمن لفلاحث انس سيرتو أيا أقلا اتعوال فلاس ذي لمعيشت انس.
وبذون طلبن ربي ذي لجوامع بشام اذسهل واتوث لمطر سيرتو ماني أثوثا ذقيو نسبتمبر ويعجباسن الحال مليح خاطر ثمورث ذي الوقث ذين ثحيا وثفوك أسقاس انللاحث سثمتانت.
ونخس انيني بلي ثمورا انلوراس امقران اتعاولنت مليح فلمطر ذأقشرب نتمورا انس خاطر السد نكدية لمدور انتيمقاد يموقد بشام اذسون لعباذ برك، وكيعاد ثمورا انلفلاحث كامل الانت ذإقموكان بعذ فلمدينت والدولت ثوشا إقفلاحن الإعاناث بشام أذحفر لفورجاث ذي أثمورا أنس ولانت ثمورا أقورن ذيسن لبيا ذالودان، والدولت ثناس لازم اتمجمالم ذي الجمعياث بشام أونوش الفوراج ثمقران خاطر لوكان كل أفلاح أذحفر وحذس هتقور ثمورث كامل وقورند لعوام اذتافنش حتى لعباذ مت هذسون.
وثنصح المدريث انلفلاحث إفلاحن بشام أسون ثمورا انسن ستقنياث تجدذين مليح ام أروش نلماشن ماني هذسونت ثمورا كامل امان بلا مهثفيانت.
ثغاوس ثيشت ثاني ابذونت لعوايل انلورا اقلا غرسنت ثمورا وازونهنت ستجرين نالزيتون اتكسنت ذي ثحبا نالزيتون بشام اذقين ايس زيت زيتون انيغ اثرقدن واثتش ذي المشتياي سيرتو ذي ثمورا ننقاوس، سفيان سقانة، اولاد سي سليمان بومقر ولباس نتورا ذي باثنت اقلا اتحبان لماليث اسنت اذزون ثجرين نالزيتون خاطر ذيس الفايدت تامقرانت وثاني اذشرظش لباس انومان بشام اذقعمر.
