يغلب انمدان تقنان امزوري انغ التاريخ انوغلان سولاي نوغرم انتجننت اسقس 1012 . اعمر انوغلان ادقل غال قبل التاريخ لثار الاي دمناوت تمو اسشنان تكبوري دالاصل انمدان اتوغان عمران اغزر انلمزاب لصلنسان دمازغان سسان اغرمان نتلازضيت دوخيرا دولاوال قبل اغرم انتجننت.
اغرم نتلازضيت اتوبنى اسقس 95 هجري وني دقن سغرمان اكبار اتوبنى غال تم انواداي نوغرم انتجننت اقمند دس اماروا غير مناو اموران دالشاهد فلعمارة،اتوسمى تلزضيت امغر دقت تم مدناس اتوسنان اسوخدام نالضوفت دوربى نالهوش.
اغرم نوخيرا اولدجوج يغلب سوغرم انتجننت يقمد دس غير اقت تنضلت دتمجيدا اتوسمى سسم لالا خيرة ، اغرمو فلحساب نمسانان اتوخراب سوفوس انمدان نتلازضيت .
اغرم فيدشار دين اغرم نولاوال اديوس دغنت اداي انتجننت اقيمد دس غير مناو لثار نموران دقن اوعساس اضلى فغزر انلمزاب اتوبنى اقت تم تولي ضالى فقاع تمو ادجوجنت اوعسي فلعدو ايتوغ دالخطر الوقتني فتمدورت ديتلي انمدان،اماشي الان دخ يغلب نغرمان امراران مع مناو الغيران اتوغان عمران دس بكري قبل اعمار نتم انوغلان.
