اغلان يلا دس مناوت لعوايد توحديين توسدجانت يور نوزومي غرست دلان الانت اتوسدرنت دمناواغرمان،العادة تمزورت تكبورت دين اسقاس نالبارود دفر الاذان نتسمسين ادلاذان نتستشيرت يعني مع ولاي انوس،اسوي نوسقس نالبارود يلا وس اولتسلي الاذان البارود دقت الوسيلة باش قاع مدان ادسلان ادسنان اتاف نامار انورزى نوزومي انغ مع لفجر باش مدان ادبدان اسيش .
العادة فيدسنت دين الاي نمزانان غال انجوج امقرنان مع وقراب نتسمسين بالخصوص اغرم نتغردايت مان غير ادقاس البارود ادبدان اشاتن احباتان استغريين دقت الوسيلة دخ باش وس اوليسال الاذان انغ ايالبارود ادفهام بل امار يوتف اورزى نوزومي.
اماشي تلا دخ العادة تضضت تبهى دين اشعال انتفاوت انغ الضوء ادالي اجانا نوعساس بعد الاذان باش مدان ادسنان بل امار يوتف اتزاليت اماشي نقان الضوء دفر لاذان انتنيضاس باش مدان ادسنان بل اذان يا،اقن النظام ايبهى يلا اغلان اتاتف امزروي انغ التاريخ نات اغرسان الان غرسان اقت تغرم دقن النظام لاش المثالس انشان وضضن.
