هلوشي إيمست نتفوناسين هتوخيذ إيموالن ذي المال أنسن آغ تعبن فلاس ، و هرني بوهان أمنغيث نزوايل أنسن يولا ذالمشكل ويط خطراش لازم آروحن غل إبطواران نالبلدياث باش أسعان التعويض آغ أتصرفيث الدولث و آغ قرر بلي أيدياس ذي 80 سالمية نواكسوم نالبهيمث آغ غؤرسنيت .
بصح المشكل آغ يقلق إيموالن آلميتي نتفوناسين مقبل ما هتغرصن و أروحن هما تيخسارين ،و الحالث آي هجا إيفلاحن أتوخيذن خطراش ألاّن بوها نالعراقيل آغ هوعا إيمست نتفوناسين ذ الكشل يوعر و لازم ألاقن الحل ماشي برك سفاكسان بصح الثاني آكبرت ذي بطواران و أذرنين إيخدامن ذيس و آذسغن إيغاوسوين إيجديدن نواغرص ماشي آقيم تراجان أغراص سوجمي أنسن .
وذي الجهث هيط يتلاقا آموال أروح أنس يتراجا ذي وطبيب نالمال و يتروح و يداس مشا أداسن إيمسؤولن نالفلاحة باش آذزرن إيفوناسين و ذااوينت إيمرضين ، خطراش ألانت بوها نتفوناسين آغ هموثنت و حتى أفدنيهنت و هريا الريحث أنسن ،و نسن بلي الشي ياي غرس ثاني الخطورث فالباقي نالمال.
و هما يلاقا الفلاح أروح أنس يتلاوح و حاير خطراش أيقدرش أيدفن إيفونسين أنسن وحذس باش هما أيستفذن سي التعويض آغي هسيغيت الدولث إيفلاحن ،و باش ثاني أوتروحش أكسوم نزوايل إيمرضن تاخسارث من بعد آكسن آقلقول و إطارن أنسن و أدوارث .