ادباب نالعاهات دقت الفئة نمدان اتناف دم تمرقد يغلب  فنجال نومنكز الان  الصحتنسان يلا وس دبكوش يلا وس اولتسلي يلا وس لاش غرس ادارن  انغ افاسان امصبح دم اناف ادباب نالخير الان بدان اوعاون  نمدنو سون انجمان اماشي يلا الحال دمناوت تمو انتدشلا نات ازجن اتوسلف اسن 12ديسمبر1993 تفغد تدشلا نوعاون ندباب نالعاهات نوغرم نات ازجن اسويس دين اعاون  نمدنو الان تمرقدان انكففان دبكاش دوس اولتنجم ادحرش فنجال نقت العاهت الصحتس .
 تدشلايو الان فتجناس مناو ارجازن اغسان ارى نالثقة امدنو باش اديلي غرسان نشان المجتمع اولتحوسين سقن اومنكز انغ اقت العقدة تمدورتنسان.
تدشلايو تسرس  مناو  ادسلان دقن وهيل انغ البرنامج ايالفائدة نمدنو مان غرسان اقت البطاقة نالاحصاء دالضمان دوستفايد  سالمنحة ندباب نالعاهات 100 في 100 مع اتباع نوداونسان دوقضاع نطببان غال تدارنسان بالخصوص مدان امقرانان الان اولتنجمان ادقدان لمورتنسان وحدنسان.
اماشي اتورزم اقن المركز اوكون نتبورخساتين دولماد نمناوت الحرفات مع اسلف نقن البيرو نتسادنان اسوس اوعى نتمطوت دبدي ادسنت دعوناسنت امار اوعران اماشي  اتعافرن دخ اوف نوخدام ايمكراس مع تغارت دخ اوعاوننسان يد ادباب نالخير انغ اوفرى نتمشرسنسان الادارات دسرابس نتمدورت.
تدشليو تنده دخ احرش نضلس  مان تسدج اش المناسبة مناوت تسشانين اسشانان دس اخدام نالحرفات نوفوس مع اوفر نالتاولات نالانترنت دالتكنولوجيا مع اسلف نقت المجلة مع اسدج نفورهاتن غال مناوت تمو ندزير.
تدشلايوغرس مناو انداهان احرش نودال انغ الرياضة بالخصوص ادوملاقة  يد ترباعين جار الولايات اماشي غرس مناو انعارن يد تدشلوين ندزير اومعاون دمبدال نسلان دوخدام.