اغرم نلقرارة اتوبنى اسقس 1040ه / 1631 م دنج اقت تمورت تقور دالبور مان امزوار رولان غال تمي فنجال نالديننسان ابنان اغرم ايدر نغزران الان دالساس نتمدورت نمدان انغزر نزقرير د مناو اغزارن ابزنان اضضنين.
امزوار اعمران اغرم دين تروى نات باخة انغ تروى نبابا تامر دتروى ننشاشبة ادوسين سوغرم   تغردايت اوسند دفرنسان تروى نبالة سوغرم نوارجلان  .
امضان نتعشرين تمزوار توغنت سز نتعشرين اوضانت اماروا اغرم نلقرارة تس نتعشرين  ستعشرين الانت لقرارة اناف ات جهلان ات علاهم ات كاسي بن ناصر ات بولحية . ات بابا تامر ارولان سوغرم نتغردايت غال لقرارة امبعد الاغواط  ما ن اقمان دس  لجوايه30 نسقاسن  بنان تمجيدا دمناو لحبوس  خدمان تكرزت دتجارة ال توزعكان فنجال نتسمين نات زعنون سالاغواط  رولان غال اوغرم نلقرارة  استقران توريرت اسقارن كدية لعقارب مان ابنان دسن اغرم نلقرارة.
اشرى امزوار ابنان دس دين تمجيدا اتوس اجانا نتوريرت اسقارن كدية لعقارب اماشي ايدج اسر تيوش ختن ايقضع غال المدينة اشرى امزوار ايبنى دين تمجيدا امبعد ابدان ابنى نتدار دلسوار دغولاد دبردان مع وحفار نترسين اماس نوغرم .
دفر اشاشي نالحالة دالبنيان ابدان انكال نتزدايين دوسقم نغزر انزقرير اتوبدل ابريدس غال وماس نتجموين بعد ايتوغ اقضع طول غال تنري انغ الصحراء .
تعشرين دمدان اتوغان عمران ادسان نوغرم اجديد نلقرارة اسوتورن اتاف دوخدام يد مدان نلقصر اجديد بعد امصالح اضران يد مدان نلقصر نلمبرتخ دوصافا نولاون تووشاسان  مناوت تمورا دتدار اماس نلقصر دستفنسان اماس نتمجروين  دالهيئات نتمجيدا.
اما فون اعنان المعنى نلقرارة توسمى دفر اشاشي نالبنيان دالعمارة المعناس تمورت توحديت نتكرزت دونشان نومان نغزران انون نزقرير.
الفن نالعمارة دالبنيان اسشن تغرم انغ الحضارة دالقوة اتوغان غال مدان نختن انجمان ادسلين اقن اوغرم سقاع التقنيات نالبنيان راعان دس تيفاوت انغ الضوء دوزوو انغ لهواء مع القواعد نالبنيان الان بارن دس اماسان نالبنيان نماروا ابدان ابرنيان انتنين تبين التقنيات نالبنبان دالعمران امار دقن مدان اولدفغين لا سقن المغهد انغ اقت الجامعة.