ثعقب السمانت سي العطلث نالمشتاء ذي باثنت ماني إوفينت لعوايل أنلوراس امقران العطلتاي ذالفرصة بشام أذسرقنت أدريثن أنست اذحوسنت سيرتو ماني إديوش ربي الجو يحلى عالكيف ويرقد لحشيش ذي لباس نموكان خاطر ثوثا لمطرأوسان إقعدان.
لعوايل ثيض أوينت ثروانسنت رزفن إيذسنت غنالفاميليت أنسنت خاطر سثولي أنلقراي أذقاونتش الخلاث أذجبانت فالهالي أنست خاطر إقداش قران، وذايا ماني أو فين الفرصة.
لعوايل ثيض أوينت دريث أنسنت غالمسرح أنباثنت اقلى إنضم لباس نالمسرحياث ذي العطلياي فلجال نقداشن بشام أذكسن قلي سقلاون أنس، ماني إتق المسرج رجيونال أنباثنت ذالمراكز الثقافية أقلا ألانت ذي الولاية أنباثنت كل ثاعشوين المسرحياث ندريث حكانت فالامانة ذالتسامح مامك أدريث لا زم أذيلين إيذنالوالدين انس وإيذأنلقرايث وثاني مامك أتحفاظن فلسفاو نالمحيط.
الجرنال نالشعب يسقسو قلي ندريث أننانغ بلي يعجباسن لباس الحال خاطر السمانت الثاني نالعطلة يربي أذبذون أذوجذن إماننسن إثوليث أنلقرايث، ونخس أنيني بلي ألانت لعوايل ثيض أريقنت سي باثنت طول وروحنت غندواور أقبعذن فباثنت ماني إثللا لخضوري الطبيعة ثحلا.
ثغاوس ثاجديت ثاني أدورا ذي العطلة ذي باثنت ماني إستقبل الديوان نالشباب 61 نهيوي أوسيند سالولاياث تيزوزو أذ بومرداس بشام أذسعقبن العطلة نالمشتا ذي باثنت وأذزورن إمكان نالتاريخ ذالثورث ذالأثار إقلامن ذتيمقاد، إمدغاسن أذغوفي، وثغاوسياي ثتوعدا ذي التبادل جار الولاياث.
