أبذونت لعوايل أنلوراس امقران، سيرتو أيلا أقلا غرسن ثمورا ولفيرماث ذي الدواور أاغن إخفوان نالعيذ أمقران، سي لسواق، بشام أهنعلفن مليح سقميرا وأهنوجذ إلعيذ، خاطر لباس ولان انلعايل ولانت اتقنت الكونفيونس ذإقموالن اقلا أزنزان لعيوذ.
الولايث انباثنت ثشتاهر لباس سلسواق نالمال، ذي عين التوتة، باثنت، الجزار، ولباس نتمورا أقلا اتاوينتيد الخير ذامقران، وأووفينت لعوايل ألوقثاي يحلا مليح بشام أذخيرنت ذي الغرض انسنت إيخف إخسنت إلعيذ وأثاوينت غندوار أنسنت أذقومنت أيس أنيغ أثدجنت غنبعا نفلاح اذهلا ذيس مليح يوراي ذأزقن إققيمن إليعذ .
لباس نتغاوسوين أقلا أثبدلن وأديجن لعوايل بتونت إميرا أسغاي نالعيذ، سي لغلا امقران أقلا يتيلي ذلسواق قبل العيذ، وثاني الكونفيونس وليش خاطر لباس نخفاون أقلا اتيلين اس نالسوق أحلان مليح، وبعد يومين ثلاثة انوسان ماني أهنيسغ ببانسن يتاف ذيس لمراض وتوالان أذصلحن إلعيذ سيتو ذي لعوايل أقلا ذيسنت لباس أنلعباذ.
الشياي يدجا لعوايل أساغنت لعيوذ انسنت قبل الوقث وأثسرفن الدوار أذيرثع مليح الشعير وكل الخير بشام أذرن أذيحلا مليح.
وفالجيهث ثيشت أننانغ لباس نفلاحن بلي نهنين تعب لباس فخفاوناي اعليها أسغلاينهن، خاطر نهنين أقحمل لعذاب انسن سيتو بغير ادخلظ العيذ ماني إتعرامن إسراقن وتنوسن فلاسن ذإسهرانن وثاني العلف أسقاس وليش وأستشاينهن سغرسن وأعلابيها يغلاي الحال.
