ثوثا أوسناي إقعدان النوث تامقرانت فتمورث انلوراس ، ماني إثفيا لباس نلجناث ذ إنوغيسن اتسريانت، ماني إولان لباس نفلاحن أتراقنت غنتمورا انسنا تكسن التفاح أقلا ذالوقث أنس وخسرن ذيس لباس، سيتو ماني إتوسا لمطراي فلباس نالهكتاراث اتشور ستخرفيث.
ذي الجهث ثيشت أوفين إفلاحن إيط النوث آي ذالفرصة بشام اتروا ثمورا أنسن سيرتو ذأقلا أقورنت نهنتين أذلبيار أنسنت، ماني إثحيا ثمورث ورعان طلبن ربي لحنين بشام أيرزق مليح ومليح خاطر يقرب أدعدا لخريف ماني هذبطون أذحرثن ثمورا أنس وأذبذون اتوجاثن إلموسم نلفلاحث نسقاساي إدقورن،خاطر باثنت أملباس نالولاياث نالجزاير أشتكانت سي النوث ولي شماني إمفويان لباس نالمحاصيل الزراعية، وخاطر لبيار أقورن أعيان إفلاحن إمغبان مامك أذقن.
ثغاوسا ثاني ثحلا سي النوث آي نكدية لمدور ذتيمقاد يتشور قلي ماني إقبذو يتفريغ خاطر الصيف كامل الولايث ثس سيسن ولازم أذطشار بشام أتكمل الولايث لشهراي إدقورن.
ونخس أنيني بلي النوث آغ عدّا ثكشف لعيوب نالمقاولين اقلا خذم إبريذن ذي الولايث أنباثنت خاطر ماني إثوثا برك وكيعاد ثقوا أثعدا ثدار نالمواطنين وثقف إبريذن ولوكان أذعدين إرقازن نالحماية المدنية أقلا فوكن الأمور لثولا تغاوسا تمقرانت.
