ثوثا أوسناي إقعدان لخير ذامقران النوّث ذي لولاياث انلوراس أمقران، سيرتو باثنت،حتى ذأذفل يوثا قلي ذي إقذورار أنريس مروانة منعة بوزينة، وأرقين إفلاحن لباس فرحن خاطر ثامورث إميرا ثسوا أمان اقلان ثلا ثتراجهن لباس أو النوّث إقوثن أنفوك أسقاس انلفلاحث ذي الولايث سيرتو ماني إخذم إفلاحن ثمورا انس وازرعن لباس نالقمح ذالشعير ذالخوضر أو حتى الشجر انلمشماش.
والمواطنين أباثنت أقنهنين أزهان بوها سي النوّث خاطر أمان هاذيلن ذي باثنت وأذتشار البراج انكدية لمدور ذي تيمقاد وأينا المطار انمصطفى بن بلعيد بلي السد يعداث لباس أنومان اقلا هثيفون باثنت أقلي أنلشهار بغير أذياجذ أسلسق نالبراج بني هارون إذنوا انتيمقاد.
الفلاحين قربن الشياه أزهان اقنهنين خاطر النوّث هتسغمي لحشيش أقلا هثياف المال أوعقون وأثيتش، وماني إقوثا أذفل أرقينت لعوايل أنباثنت أغنذورار بشام أذصور إيذ نوأذفل أقلا إطار بوها ني موكانن ذي باثنت.
والخير يوثا اغلا نتزاليت نجزايرين ثزاليت نالإستسقاء ذي لجوامع كامل ماني اطلبن ربي سبحانو اغنرزق سالخير نالنوّث خاطر اقورن لبيار وافوذنت ثمورا واخسنت ثجرين اذسونت امان بشام اذقعمرنت وادوشنت الخير ذي الصيف سيرتو الولاياث انباثنت ثتعوال لباس فلمطر نوجنا ذثسي نتجرين انس.
ورعان اترجان افلاحن اذيرن ربي اديرزق ثمورث نالجزاير كامل خاطر سومان تيلي الحياث واذموكسن لمراض واتسغمي ثامورث كل الخير حتى المال اعقون اذياف مات هذيتش.
