اتغوس نوفوس تعنى  الماد نقت الحرفة نوفوس انوزط انسول غفس يغلب الان دالساس نالحرفات اغلان سبكري. اماروا افغنتد مناوت الحرفات تضضنتين اتوخدمنت سوفوس اغلان.
سالحرفات تجديدن الان اقلان غرسنت مدان ددباب اغسان اطوف دون ادجين امزوار دوسلماد نقن انشرى دجديد ايمكراس دتمكراس دين الحرفة نوصور الكلال انغ الفخار.
الفكرة نتغوس نوفوس توسد سوفوس نقن اقارناس يحي عبونة اقن سمكراس الان انده احر ش نالحرفات يبي المبادرة نوسلفي نقت تدشلا تعنى سوسلملد نتمطاط اصورالكلال مناو ازمولان دبسون الان اسشنان تغرم نغزر انلمزاب انالزربية دتشى دتشححت دكل بيلا اشرى غرس ازوران امزروي انوغلان اموني سللوان ايبهان.
تدشلايو اتنجم المدة تبزانت سوسلفيس يور انفيفري 2017 باش اتوض غال ورزام نقن المحل ازغار اوغرم ادس قاع ابسون اخدمنت تسدنان سوفوس مان يغلب انمدان باران دسات وخدامو .
توني دقت المبادرة ايتزعم امار الان الولايات تضضنت انتزي وزو دالبويرة مان ادباب نالحرفات اطفان احدام نالكلال دصور دس .
الحرفة نوفوس دقت الصنعة الان تيف ايتلي امغر ادرمان ادقضعان اما الصنعة انتها اتوي ادرمان مع احافظ فالتراث ادلعوايد دتغرم نغزر انلمزاب الان اتوصوار الكلال انغ الفخار.