تواعرفن لعراس نشاوين بلي تموقان سالزهو وذي اموكان اوسعن ذي الدواوير انيغ ذي ثدار انس ماني ادتاسن غرسن امعراضن سوسان عرم وتمعاونن ذي كل ثغاوسوين انلعرس بصح ذي لعواماي انقورا بذونت لعوايل انلوراس امقران، توجاذنت إلعراس أقلا برمجنهنت ذي ي آنبذو نوسقاس.
 ولعروس نالوقثاي ماشي أملعراس نالزمان ماني إلانت لعوايل اتمعاواننت سوسان قبل العرس وأذينت اللازم ، حد يتبربش، لخلاث أيطنين اتقنت أشخشوش، ثقيارين أتقنت المقروط ذالقطواث، وكل شي يتيلس سلمعاونت، وأمبعد وادعرضنت لماليث أنس اذحضرن واذزهان كامل.
اما الزمناي ولان لعروس انلوراس ام لعراس ني دزايريين كاملن اتموقان ذي الصالاث، أقلا كرنهنت سي مليان، وذيسنت كل سطباخن، وسسرفوراث، ولان لماليث نلعرس أتروحان أمنهنين امبرانين، سزقن أنواس قبل مهداسن إمعراض فتعشوين، وتاوين إيذسن القاطواث أقلا ديجا أتيلين اموقن عل برا، بلاك حتى لماليث نالعرس أهنهنينش مامك إموقن، ويخس حلان انيغ اها المهيم الهرج ذين أزيك أقلا يحلى لباس إولا وليش.
الموداياي أن الصالاث انلعراس ثقار فلاس الحاجة يمينة بلي  أثحليس طول خاطر أثولا ثسوخار الفامي فبعضاس ولان ذي إغربيبن أذسبناين العرس ما والوا خاطر أتروحان أس أنقارو وأذكمل اذسعشاي لمعاريض وأذروحن إيذسن، وأذيوقا الفال نالعرس ذأقاسذين، ماشي أمزيك سمانت قبل وسمانت أغلى نالعرس وثدار عمرنت، خاطر أتاسند لفامي سقموكان بعذن واتغمان أغلى نالعرس اتنوسان أتغنان سالرحابة ولباس نالزهو أقلا يموكس سمندرقينت الصالاث أنلعراساي.
بصح الخالاث نالوقثاي أقرنت إلجرنال الشعب بلي الصالاث أحلانت لباس خاطر يتغما كلشي نلماليث نالعرس يصفا ويحلى خاطر انكمل العرس أنروح ثدار انغ انسراحث، وانثهنا سالهرج كامل، سيرتو ماني إدرقين إطباخن ذلسارفور، أسهننانغ سي كل شيء.