مع وقدى نيور ناوت اتبدى تيني اتوى تفغد غال المارشيات مدان اتمنان اقاض نيور ناوت ايش انيني الان دالساس نتمدورت انمدان اغلان سبكري،اغلان يلا دس اجار 70 انرهاط اتيني اتوذكر القران مناوت تتشال لفضلت يوش امقران فيغلب ندلمعاش دسوفار اتيغلب نطانان.
امسفار اوفين بل تيني اولتشمر الجرثيم دالمكروبات دسوفار انمناو اطانان اماشي اوصى غفس اسر نيوش امقران اش 100 غرام انتيني دس 318 نالقوة اسقارن السعر الحراري اتش القوة ايبنادم الطول انوس سومن اناف اكرزان لمعاشنسان تيني دوغي ادومان اتناف دم صحان لاشغرسان اطانان انغ اشرى اتشتمان سس تمدورتنسان.
تيني خدمان اسس يغلب لرهاط نبسون انلبخور دالقاطوات ددلمعاش مع استنفع سغسانس اقضعان ادلنعاش اتغات الان اترني اغي اتش القوة ايالهوش اماشي ادسوفوغان اسس مناو لنواع نسوفار اوداوى انوجليم دصطار اضران بنادم.
تيني انتها دالساس نتمدوت اغلان امار نالشدة لاش اقنشرى اتسلاك مدان غير تيني سومني اناف تدار اغلان دسنت تمضار نالعولة دبوجا انتيني الان اتكرم الطول نوسقس تتان اسس خدمان اسس يغلب لنواع ندلمعاش.
